“Sunny Hill Festival” me energjinë që i duhet Kosovës

“Sunny Hill Festival” me energjinë që i duhet Kosovës

13 August 2018 08:23

Për 48 orë imazhi i një shteti të izoluar u përmbys. Dua Lipa e Action Bronson gërshetuan duart për ta lartësuar shqiponjën në një skenë gjigante. Kënduan në shtëpi për t’ia vënë themelet e festivalit të titulluar sipas një lagjeje në kryeqytet. Nëpërmjet tyre bota e pa një tjetër Prishtinë e një tjetër Kosovë.

Energjia e spektaklit të përmasave botërore u shpërnda në 41 hektarë të Parkut të Gërmisë – që mori pamjen e vendeve ku mbahen festivale të tilla si “Glastonbury” – ku këngëtarë me nam në botë ndanë skenën me ata që muzikën e bëjnë në Kosovë, shkruan Koha Ditore.

Kufiri mes zhanreve muzikore u shkri. Në njëfarë forme, u shkri edhe ai që e ndan rininë kosovare me botën. Ndjesinë e përkatësisë e dha “Sunny Hill Festival” në dy net të edicionit të parë.

Mijëra veta në audiencën e dominuar nga të rinjtë iu përgjigjën thirrjes për t’u bërë pjesë e festivalit që ia ka vënë vetes një qëllim goxha sfidues: ta dërgojë një fotografi tjetër nga Kosova e pasluftës. E t’i ndryshojë kryetitujt e mediave që raportojnë për vendin e seancave paralamentare të përcjella me gaz lotjsellës, korrupsionin a odisenë e heqjes së vizave. Kjo, duke e theksuar një anë të fortë: suksesin e yjeve që po bëjnë nam në skenën e muzikës botërore e që kanë dalë bash prej këtij vendi të vogël... (Më gjerësisht lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme