Lëvizja Vetëvendosje, përmes një komunikate për media, ka thënë se “sonte, rreth orës 20.00, persona të panjohur kanë sulmuar me gurë, vezë dhe shishe deputetin e Kuvendit të Republikës së Kosovës dhe Drejtuesin e Shtabit Qendror të Lëvizjes Vetëvendosje, Ismajl Kurteshin, kandidatin për kryetar të Shtimes, Ruzhdi Jashari dhe disa aktivistë dhe simpatizues”.
“Ata u sulmuan pas përfundimit të tubimit të Lëvizjes vetëvendosje në fshatin Caralevë të Komunën e Shtimes, që qëllon të jetë dhe fshati i kryetarit aktual të Komunës së Shtimes”, thotë VV në këtë reagim.
Sipas VV-së, aktivisti Arbër Krasniqi ka marrë lëndime nga sulmi që është kryer para pranisë së zyrtarëve të policisë, “jo më larg se 5 metra prej tyre”.
Lëvizja Vetëvendosje ka ftuar organet ligjzbatuese që të ndërmarrin urgjentisht veprime për zbulimin dhe dënimin e sulmuesve.
“Këto sulme që shpërfaqin panikun e pushtetit lidhur me fuqizimin e Lëvizjes Vetëvendosje në Komunën e Shtimes dhe kudo në Republikën e Kosovës nuk do të mund ta ndalin vullnetin popullor për ndryshimin e madh politik, të filluar më 11 qershor dhe që do të masivizohet edhe më shumë në rezultatin e zgjedhjeve të 22 tetorit”, përfundon VV reagimin e saj.
-
Vetëvendosje i kishte vezët mjet të protestës, por sot me të tilla u sulmua Albin Kurti
-
Kurti sulmohet me vezë
-
VV: Shtimja ka zgjedhur numrin 10, kryetar i saj do të jetë Ruzhdi Jashari
-
VV thotë se tre aktivistë të Nismës i sulmuan kandidatin për asamble në Malishevë
-
Sulmohet qendra e Vetëvendosjes në Pejë