Sulmohen fizikisht dy mjekë në Ferizaj nga një i dehur

Dy mjekë kujdestarë në Emergjencën Primare në Ferizaj janë sulmuar në orët e para të mëngjesit të mërkurën.

Sipas një komunikate për media, në lidhje me këtë policia i ka marrë veprimet e nevojshme dhe menjëherë ka dalë në vendin e ngjarjes dhe kanë arrestuar të dyshuarin inicialet H.H, 34-vjeçar, i cili ishte në gjendje të dehur.

I dyshuari më pas është shoqëruar në stacionin e policisë në Ferizaj dhe pas intervistimit nga policët hetues, me vendim të Prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa rasti është cilësuar “Sulm ndaj personit zyrtar gjatë kryerjes së detyrës zyrtare”.