Skenderaj, arrestohen dy persona të dyshuar për kanosje ndaj rojeve të pyllit

Dy persona janë arrestuar në Skenderaj, nën dyshimin se të njëjtit kanë kanosur rojet e pyllit në fshatin Kuqicë.

Policia raporton se rasti ka ndodhur të dielën rreth orës 07:40, ndërsa të dyshuarit janë një 21-vjeçar dhe një tjetër 24-vjeçar, të cilët janë shoqëruar në stacionin policor në Skenderaj.

“Policia në Skenderaj me datën 30 janar 2022, rreth orës 07:40 kishte pranuar informatën se në fshatin Kuqicë rojet e pyllit kanë problem me disa persona, policia ka dalë në vendngjarje ku ka takuar ankuesit dhe dy persona të dyshuar, pasi të njëjtit i kanë kanosur dy personat zyrtar-rojet e pyllit në kryerje të detyrës, personat e dyshuar janë arrestuar. Të dyshuarit A.T., 21 vjeçar dhe E.T., 24 vjeçar janë arrestuar dhe të njëjtit janë shoqëruar në stacionin policor në Skenderaj”, thuhet në raportin e policisë.

Pas procedurave të intervistimit, njoftohet se të dyshuarit me urdhër të prokurorit janë liruar në procedurë të rregullt dhe ndaj tyre është iniciuar rasti për veprën penale “Kanosje”.