Prokuroria dhe Policia e Kosovës janë vënë në kërkim të shtetasit me kombësi të Kosovës dhe Francës Nue(Nuel) Kalaj, por nuk ka mundur të bjerë në gjurmët e tij.
Në përgjigjen që Prokuroria e Kosovës i ktheu asaj shqiptare, pas dërgimit të letërporosisë thuhet se ende nuk kanë rënë në gjurmët e tij, ndonëse janë ushtruar disa kontrolle, shkruan sot “Koha Ditore”.
Nue (Nuel) Kalaj nga Kosova akuzohet pas një hetimi parlamentar në Shqipëri për çështjen “CEZ” se ka luajtur rolin e sekserit për marrëveshjen e privatizimit të OSSH (Operatori i Sistemit të Shpërndarjes) në Shqipëri, kompanisë çeke të energjisë, CEZ dhe Qeverisë “Berisha”.
Organi i akuzës në Shqipëri kërkon ta marrë Nuel Kalajn në pyetje në Tiranë, ku po zhvillohet dhe hetimi për çështjen CEZ. Prokuroria shqiptare kërkon të dhëna në lidhje me rolin e tij gjatë bisedimeve dhe gjatë marrëveshjes me çekët.
Në daljet e fundit mediatike, Kalaj është shprehur se kishte një kontratë me CEZ për të mbledhur informacione në lidhje me gjendjen e rrjetit të OSHEE, por në asnjë rrethanë nuk është negociuar nga ana e tij për privatizimin e borxheve. (Artikullin e plotë mund ta lexoni në numrin e sotëm të Kohës Ditore)
-
Mbetet i pakapshëm “sekseri” kosovar i kërkuar nga Shqipëria
-
Azemi i LDK-së dorëzon në Polici dosjen për njehsorët elektrikë
-
Policia në kërkim të një personi, publikon fotografi të tij me qëllim identifikimi
-
Kilaj, Smakaj e Fazliu janë duke u mbajtur ende në zyrat e EULEX-it në Fushë-Kosovë
-
Ish-pjesëtari i UÇK-së dhe ish-deputeti, Nezir Çoçaj, nis dëshminë në Speciale