Tri herë me thikë është goditur V.P., mësuesja 49-vjeçare e shkollës “7 Marsi” në Prishtinë.
Ngjarja e rëndë ka ndodhur rreth orës 10:00 të së martës, në korridoret e shkollës, derisa e dyshuara në këtë rast, prindi një fëmije të klasës parashkollore, është arrestuar nga Policia, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDerisa ende nuk dihen motivet, ngjarja ka shqetësuar nxënësit, prindërit por edhe kolegët e mësimdhënëses.
Megjithatë, më i shqetësuar ka qenë bashkëshorti i mësueses, që qëndronte pranë Klinikës së Emergjencës.
Mësuesja V.P. , pas trajtimit që ka marrë, është në gjendje stabile.
Për rastin ka reaguar edhe kryetari i Prishtinës, Shpend Ahmeti, i cili, në rrjete sociale, ka bërë të ditur se e ka vizituar mësuesen në QKUK dhe ka uruar shërim të shpejtë për të.
Policia, përveçqë ka arrestuar të dyshuarën, B.D., 38-vjeçare, ka konfiskuar edhe thikën që dyshohet se është përdorur në këtë incident, derisa është duke i hetuar rrethanat e këtij rasti.