Prokuroria në Prizren nis hetimet për mjekun që ofendoi pacienten

Në vend të kujdesit shëndetësor, një paciente në Prizren ka marrë ofendime nga mjeku Rrahim Ymeri.

Ajo kishte shkuar me dhimbje për të kërkuar ndihmë mjekësore, por u ofendua nga ky mjek, për të cilin tashmë janë nisur hetimet nga Policia.

Kryeprokurori i Prokurorisë Themelore të Prizrenit i ka thënë KTV-së se, varësisht nga të gjeturat e hetimeve, do të merret edhe vendimi për Ymerin.

Ndërkaq, Këshilli Drejtues i Spitalit Rajonal të Prizrenit ka vendosur që ta largojë mjekun përkohësisht nga puna, deri në zbardhjen e plotë të rastit.

KTV-ja ka provuar të flasë edhe me mjekun e apostrofuar, por ai nuk është përgjigjur në thirrjet e televizionit.