Një person ka mbetur i lënduar si pasojë e kontaktit me energjinë elektrike, të shtunën në fshatin Atmagjë të Prizrenit.
Sipas njoftimit policor, rasti ka ndodhur rreth orës 16:30, ku një person derisa ka qenë duke punuar në një shtyllë elektrike, ka rënë në kontakt me elektricitetin dhe ka marrë lëndime trupore.
Në vend të ngjarjes ka ndalur emergjenca duke i dhënë ndihmën mjekësore dhe më pas është transportuar në spitalin rajonal.
Sipas njoftimit të mjekëve, personi ka lëndime të lehta dhe pas trajtimit është liruar për në shtëpi./KOHA/
