Autoritetet në Prishtinë kanë zbuluar një dërgesë postare me 48 kënaçe me nga 125 gramë substancë narkotike që dyshohet se është e llojit opium.
Sipas raportit të Policisë, Dogana e Kosovës kishe njoftuar Policinë se në dërgesën që ishte porositur nga një i dyshuar kosovar, kishte një substancë të dyshimtë.
“Policia është informuar nga Dogana se në një dërgesë postare që ishte porositur nga i dyshuari mashkull kosovar ka një substancë të dyshimtë. Njësitë e antidrogës kanë dalë në vendin e ngjarjes ku kanë sekuestruar 48 kënaçe secila me peshë nga 125 gramë me substancë të dyshuar të llojit opium”, thuhet në raportin e Policisë.
Dërgesa është zbuluar të martën në terminalin doganor 3. Rasti po trajtohet si posedim u substancave narkotike, ndërkohë që nuk raportohet për të arrestuar.
Në konsultim me prokurorin rasti është duke u trajtuar në procedurë të rregullt.
-
Sekuestrohet mbi 1 kg marihuanë që po transportohej me postë, një i arrestuar
-
Kërkohet paraburgim ndaj 4 të dyshuarve për narkotikë dhe një të dyshuari për krime kibernetike
-
Bartte mbi 200 kg substancë narkotike në kamion, arrestohet një person në Prishtinë
-
Konfiskohen narkotikë në Prishtinë, një i dyshuar arrestohet e tjetri arratiset
-
Kapet i dyshuari në Prishtinë me 38 qese kokainë