Ky aksident bllokoi sot rrugën për Gërmi

Një aksident në rrugën “Shpëtim Robaj” në kryeqytet ka bllokuar sot për së paku një orë rrugën drejt Gërmisë.

Dy vetura të përfshira në aksident, i cili nga fotografitë e siguruara prej Koha.net nuk duket të jetë i rëndë, kanë bllokuar rrugën duke shkaktuar kolonë të gjatë, që sipas lexuesve ka qenë e palëvizshme për një orë.

Në fotografitë e siguruara nga Koha.net po ashtu shihet edhe autoambulanca si dhe dy vetura të Policisë së Kosovës.

Koha.net ka provuar të kontaktojë me Policinë e Kosovës, por një gjë e tillë nuk ka qenë e mundur të dielën pasdite.

{gallery}