Një ngjarje e rëndë dhune ka ndodhur brenda një familje në Korçë. Incidenti ka ndodhur gjashtë ditë më parë, kur Fatos Mulla ka hedhur nga shkallët e shtëpisë bashkëshorten e tij, D.Mulla, 55 vjeç, duke i shkaktuar thyerje të këmbës së djathtë.
Sipas Klan TV, bashkëshorti e ka mbajtur 55-vjeçaren në banesë deri ditën e djeshme e më pas e ka dërguar në spital, ku e dhunuara ka treguar se si ka ndodhur ngjarja. Ajo ka thënë se shkak për ngjarjen është bërë një motiv banal, një gotë vaji.
55-vjeçarja ka probleme shëndetësore pasi ka pësuar paralizë dhe vuan nga zemra, pra konsiderohet si person invalid. Ajo ka treguar se bashkëshorti e dhunonte prej kohësh, ndërsa nuk ka guxuar ta denoncojë për shkak të frikës.
E dhunuara ka bërë denoncimin sot para Policisë, ndërsa bashkëshorti u shoqërua në komisariat për të dhënë deklaratën e tij.
Përgjatë këtyre ditëve, bashkëshorti nuk e ka lejuar të kontaktojë me familjarët e saj. Vajza e vetme e çiftit jeton prej vitesh në Itali.
-
Arrestohet 41-vjeçari në Ferizaj pasi sulmoi fizikisht bashkëshorten
-
Burri raporton se bashkëshortja po ushtron dhunë fizike ndaj fëmijës së tyre
-
Një grua në Fushë-Kosovë raporton se është dhunuar
-
Arrestohet 76-vjeçari në Durrës, goditi me shkop druri bashkëshorten 70 vjeçe
-
Një burrë në Fushë-Kosovë u lirua në procedurë të rregullt pasi kanosi gruan me thikë