Stacioni Policor Skenderaj ka ndaluar një të dyshuar për vjedhje në Polac të Skenderajt, pas urdhëresës që ka lëshuar gjykata.
“Sot me datë 20.01.2022, rreth orës 14:00, në fshatin Polac-Skenderaj, i dyshuari B.V., 83 vjeçar shtetas i Republikës së Kosovës, ndaj të cilit Gjykata Themelore në Mitrovicë-dega Skenderaj, kishte lëshuar urdhëresën Ed.nr.24/2021, për veprën penale ‘Vjedhje të shërbimeve’”, thuhet në njoftim.
Pas përfundimit të procedurave policore, sipas urdhëresës së gjykatës, pasi që dënimi me burg ka qenë i zëvendësuar me gjobë, i dyshuari ka paguar gjobën e përcaktuar me ligj.
