Një ditë më parë policia në Prizren kishte pranuar një informacion se në fshatin Krushë e Vogël ishin dëgjuar të shtëna nga arma e zjarrit.
Më pas policia pas patrullimit ka gjetur se i dyshimti F. H, i lindur në vitin 1979, kishte shkrepur disa here në ajër me arsyen se kishte fejuar djemtë e tij.
Në një njoftim të policisë thuhet se ‘Policia pasi ka informuar prokurorin kujdestar dhe në cilësinë e provës materiale sekuestroj një armë automatike dhe dy karikator të zbrazët. Rasti po trajtohet në procedurë të rregullt hetimore” thuhet në njoftimin e policisë.
Ndërsa policia ka bërë thirrje dhe ka apeluar te qytetarët që rastet e festave apo ahengjeve familjare të mos përdorim armë zjarri të cilat cenojnë sigurinë e qytetarëve dhe prishin rendin dhe qetësinë publike, andaj moto e policisë është: “Festo me zemër e jo me armë”.
