Të enjten e javës së kaluar, familja Ademaj u njoftua nga vajza 11-vjeçare, se mësuesi e kishte sulmuar seksualisht në shkollë.
Babai i 11-vjeçares, thotë se menjëherë kishte shkuar në shkollë për të kuptuar ndodhinë, dhe aty kishte takuar mësimdhënësin Mustafë Salihu, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNuk e mohon se ka dashur ta rrahë mësimdhënësin për këtë arsye.
Ndërsa, gjyshi i 11-vjeçares, akuzon komplet sistemin mësimor në vend, pasi rastet e tilla nuk dënohen fare dhe, sipas tij, lënë vend për përsëritje.
KTV-ja ka tentuar të flasë me drejtorin e shkollës “Ahmet Hoxha” në Ferizaj, Halim Gashin, por ai nuk ka dhënë detaje, pasi ishte në një ekskursion me nxënësit e shkollës.
Familjarët thonë se sa ishin në Polici u njoftuan se mësimdhënësi Mustafë Salihu ishte i ngarkuar edhe më parë për një vepër të njëjtë, por që kishte dalë i pafajshëm.
KTV-ja ka tentuar të marrë prononcim edhe nga drejtori i Arsimit në komunën e Ferizajt.
Drejtori i Arsimit, Muhamet Halili, e pohon se mësimdhënësi rreth 2 vjet më parë ishte suspenduar për shkak se akuzohej për një vepër të llojit të njëjtë, por meqë kishte dalë i pafajshëm, komuna e kishte rikthyer në punë, duke ia ndërruar shkollën.
E, policia thotë se po vazhdon të hetojë këtë rast.
Familjarët e kanë dërguar në shkollë vajzën e tyre, por thonë se gjendja emocionale e saj ende nuk është e qetë.