Dy persona janë arrestuar në Prishtinë dhe Podujevë për dhunë familjare.
Në rastin e parë në Prishtinë, të dielën, i dyshuari kishte sulmuar bashkëshorten duke e detyruar të kërkojë ndihmë mjekësore. Me urdhër të prokurorit, i dyshuari është dërguar në mbajtje.
Në rastin e dytë, të hënën në Podujevë, një person ka sulmuar fizikisht nënën e tij. Edhe ky është dërguar në mbajtje, ndërsa viktima ka pranuar tretman mjekësor.
