Tetë mijë zogj të pulave janë djegur në një fermë në Prizren, të premten, nga zjarri që përfshiu një pjesë të fermës.
Njësitet policore po e hetojnë rastin, ndërsa nga ngjarja nuk ka pasur persona të lënduar.
“Ankuesi mashkull kosovar ka raportuar se ferma e tij e pulave është përfshirë nga zjarri. Njësitet policore, zjarrfikësit dhe ekipi i KEDS-it kanë dalë në vendin e ngjarjes dhe kanë lokalizuar zjarrin. Si pasojë e zjarrit, të lënduar nuk ka, ndërsa janë djegur rreth 8,000 (tetëmijë) zogj të pulave dhe po ashtu është djegur edhe një pjesë e fermës-objektit. Njësitet policore janë duke hetuar rastin, ndërsa është informuar edhe prokurori lidhur me rastin”, thuhet në raportin e PK-së.
