Arrestohet një person në Kaçanik, dyshohet se kishte kanosur një grua

Policia e Kosovës ka arrestuar një person në orët e para të së mërkurës, nën dyshimin se kishte kanosur një grua.

Sipas njoftimit të Policisë, 19-vjeçari E.J. është arrestuar nën dyshimet se ka kanosur 21-vjeçaren B.B.

I dyshuari është dërguar në mbajtje për 48 orë.

“Stacioni policor në Kaçanik nga Drejtoria Rajonale e Policisë në Ferizaj, sot në orë e para të mëngjesit në ora 00:10 ka pranuar një informacion se në rrugën ‘’Idriz Seferi ‘’ në Kaçanik është një rast i kanosjes. Në lidhje me këtë, policia i ka marr veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet E.J (M/K) i moshës 19 vjeçar, i cili kishte kanosur personin tjetër me inicialet B.B ( F/K) e moshës 21 vjeçare . Policia të dyshuarin e ka shoqëruar në stacionin policor në Kaçanik dhe pas intervistimit nga ana e policisë, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë, për procedura të mëtejme hetimore”, thuhet në njoftimin e Policisë së Kosovës.