Katër persona janë arrestuar mbi dyshimet për përfshirje në trafikim me njerëz.
Sipas njoftimit, Policia ka realizuar një operacion i cili ka rezultuar me arrestimin e tre personave të dyshuar, mbi dyshimin e bazuar për kryerjen e veprave penale “Trafikim me Njerëz” dhe “Shërbime seksuale të viktimës së Trafikimit”.
“Ky operacion policor ka vazhduar edhe sot me datë 30.08.2021, me ç’rast është identifikuar dhe arrestuar edhe personi i dyshuar i katërt nën dyshimin e kryerjes së veprave të njëjta penale. Lidhur me këtë rast janë identifikuar dy viktima të trafikimit të cilave i’u është ofruar mbrojtje dhe strehim i sigurt dhe po trajtohen në bazë të procedurave të parapara”, thuhet në njoftim.
Personat e dyshuar me vendim të prokurorëve kompetent janë dërguar në mbajtje.
