Prishtinë, 21 shkurt - Gjykata e Apelit ka lenë në fuqi masën e paraburgimit prej 30 ditësh për të pandehurit Zahir Bajrami, drejtor i financave në Qeverinë e Kosovës, dhe djali i tij A.B. I pari po dyshohet nga ana e prokurorisë për keqpërdorim të detyrës apo autoritetit zyrtar, nga neni 422 i Kodit Penal të Republikës së Kosovës, ndërsa i dyti për mashtrim nga neni 335 i këtij ligji.
Në këtë mënyrë kolegji i kësaj gjykate ka refuzuar si të bazuara ankesat e avokatëve mbrojtës, kundër aktvendimit të Gjykatës Themelore në Prishtinë, të datës 11.02.2017, transmeton Koha.net.
Sipas vlerësimit të kësaj gjykate pretendimet e bërë në ankesa nuk qëndrojnë, ngase nga shkresat e lëndës rezulton se ekziston dyshimi i bazuar se të pandehurit janë kryes të veprës penale për te cilën po dyshohen, ndërsa gjykata e shkallës se parë ka dhënë mjaft arsye për caktimin e kësaj mase në përputhje me nenin 187 të Kodit të Procedurës Penale.
-
Apeli kthen sërish në rigjykim rastin e Zahir Bajramit dhe djalit të tij
-
Vendimin ndaj ish-drejtorit për Buxhet e Financa të kryeministrisë, Gjykata e merr javën tjetër
-
Apeli gjen vërejtje te provat me të cilat u dënua për korrupsion zyrtari i Qeverisë
-
Themelorja e dënon me 1.5 vjet burgim ish-zyrtarin e Qeverisë së Kosovës
-
Paraburgim ndaj avokatit, zyrtarit të gjykatës dhe qytetarit të dyshuar për “ushtrim ndikimi”