Gjashtë persona janë lënduar në një aksident trafiku te Katedralja “Nëna Terezë” në Prishtinë.
Rastin e ka konfirmuar zëdhënësja e Policisë, Flora Ahmeti. Ajo ka thënë se aksidenti ka ndodhur mes dy veturave.
“Sot rreth orës 00:10, në udhëkryqin pranë Katedrales në Prishtinë, ka ndodhur një aksident rrugor në mes dy automjeteve në lëvizje. Si pasojë e aksidentit lëndime trupore kanë pësuar 6 persona. Personat e lënduar janë dërguar për trajtim të nevojshëm mjekësor, ndërkohë që me rastin po merret njësiti i trafikut”, thuhet në njoftim.
