Kapen duke vjedhur naftë në Kamenicë, arrestohen tre të dyshuar Foto: Koha

Kapen duke vjedhur naftë në Kamenicë, arrestohen tre të dyshuar

23 February 2020 08:17

Me datë 22 shkurt 2020 Policia e Kosovës njësia e hetimeve në Kamenicë gjatë implementimit të Planit operativ të hetimit të veprave penale vjedhje, në vendin e quajtur tek "antenat në Bratillovc", në bashkëpunim me njësitet patrolluese kanë arritur që t’i kapin në flagrancë tre të dyshuar, bëhet e ditur përmes një komunikate për media.

“Të dyshuarit kishin depërtuar në brendësi të rrethojës ku gjendej rezervuari i derivateve të naftës e ku kishin tentuar që të vidhnin derivate nga i njëjti rezervuar. Të dyshimtit janë arrestuar si dhe është gjet edhe vetura të cilën të dyshuarit e kishin përdorur për ta kryer veprën penale të vjedhjes së rëndë”, thuhet në komunikatë.

Tutje thuhet se në veturë janë gjetur dhe konfiskuar një kanistër prej 20 litrave, një zorrë prej 3 metrave dhe një shufër e metalit.

“Të dyshuarit janë intervistuar në prani të avokatëve mbrojtës në bazë të procedurave ligjore. Janë gjet prova të qëndrueshme se këta të dyshuar dyshohet se kishin vepruar në rastin e vjedhjes së rend të datës 16.02.2020 , "vjedhje e rëndë" në të njëjtin lokacion ku dyshohet se janë vjedhur rreth 1000 litra naftë. Bazuar në veprimet hetimore me vendim të prokurorit dy të dyshuarit e mitur lirohen në procedurë të rregullt, ndërsa ndaj të dyshuarit madhor D.K. është caktuar masa e ndalimit prej 48 orë”, thotë PK.

© KOHA. Të gjitha të drejtat janë të rezervuara.

Komentet

Shto koment

Të ngjashme