Kërkohet paraburgim për dy persona në Gjakovë, dyshohen për vjedhje të rëndë Foto: Koha / ilustrim

Kërkohet paraburgim për dy persona në Gjakovë, dyshohen për vjedhje të rëndë

13 February 2020 11:42

Prokuroria Themelore në Gjakovë ka kërkuar paraburgim ndaj dy të pandehurve, Xh.M. dhe B.V. nën dyshimin për veprën penale “Vjedhje e rëndë”.

Ata dyshohet se më 4 shkurt 2020 në gurëthyesin “Shkoza” në Rahovec, kishin vjedhur pasurinë e të dëmtuarit, shtetasit turk E.E.

“Duke e shfrytëzuar momentin kur nuk ishin prezent punëtorët, së pari kontaktojnë me të pandehurin B.I., me të cilin paraprakisht i prezantohen si pronarë të gurëthyesit, e më pas dakordohen që pajisjet metalike i njëjti t’i blejë në vlerë 4400 euro. Të nesërmen, që të tretë pajisen me mjete të përshtatshme për prerjen e pjesëve metalike dhe transportimin e tyre, duke marrë pjesë të ndryshme të makinerisë së gurëthyesit, ku sipas pronarit kanë arritur të shkatërrojnë pjesërisht pronën e tij, ku vlera e dëmit ka arritur shumën rreth 250.000 euro”, thuhet në njoftim të Prokurorisë.

Prokurori i rastit ndaj të pandehurve ka bërë kërkesë për caktimin e masës së paraburgimit në afat prej 30 ditësh.

© KOHA. Të gjitha të drejtat janë të rezervuara.

Komentet

Shto koment

Të ngjashme