Policia e Kosovës ka arrestuar Ikballe Berisha-Hudutin, që përmes rrjeteve sociale, ishte deklaruar kundër vrasjes së gjeneralit iranian, Qasem Soleimani, ditë më parë nga Shtetet e Bashkuara të Amerikës.
Zëdhënësi i Policisë së Kosovës, Daut Hoxha, ka thënë për Koha.net se të martën është kryer bastisja në lokacionin e të dyshuarës dhe se ajo është dërguar në mbajtje për 48 orë me urdhër të prokurorit nga Prokuroria Speciale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Më datë 07.01.2020, Drejtoria Kundër Terrorizmit ne Policinë e Kosovës, në bashkëpunim me PSRK-në dhe në bazë të urdhëresës nga organet kompetente te drejtësisë ka kryer bastisje ne lokacionin e të dyshuarës. E dyshuara është sjell për intervistim dhe me urdhër te prokurorit nga Prokuroria Speciale është dërguar në mbajtje për 48 (dyzet e tetë) orë, deri në vendim tjetër nga Gjykata kompetente”, ka thënë Hoxha, duke mos dhënë detaje të tjera për rastin.
Berisha-Huduti në llogarinë e saj në rrjetin social Facebook, ishte shprehur publikisht kundër vrasjes së Soleimanit. Atë e kishte përshkruar si “njeri madhështor”.
SHBA-ja vrau Soleimanin më 3 janar, duke nxitur reagime të ashpra të Iranit që ka kërcënuar se do të hakmerret.
