Suspendohen dy zyrtarë policorë lidhur me rastin në “Duplex” Foto: Ilustrim

Suspendohen dy zyrtarë policorë lidhur me rastin në “Duplex”

03 December 2019 15:16

Dy zyrtarë policorë të NJSO janë suspenduar lidhur me rastin në Duplex muajin e kaluar, ku katër persona u plagosën.

Të suspenduarit janë G.P dhe I.H.

“Inspektorati Policor i Kosovës respektivisht Departamenti i Hetimeve lidhur me incidentin që ka ndodhur më 09.11.2019 në diskotekën Duplex në Prishtinë, ka kërkuar informacione nga Policia Kosovës lidhur me veprimet/reagimet apo mos veprimet eventuale nga zyrtarët policorë që janë ndodhur afër vendit të ngjarjes sipas detyrës zyrtare apo edhe jashtë detyrës zyrtare”, thuhet në njoftimin e PK-së.

Hetuesit e Departamentit të Hetimeve të IPK-së kanë analizuar këto informacione si dhe disa video-incizime që janë siguruar nga kamerat e sigurisë në vendin e incidentit.

Lexo edhe: Dy të arrestuar për rastin në “Duplex”

“Ky rast, bazuar edhe në ligjin të IPK-së është iniciuar sipas detyrës zyrtare (ex officio). Më 18.11.2019 nga IPK është rekomanduar suspendimi i dy zyrtarëve policorë të Njësive të Specializuara (NJSO – Njësitit Special Operativ) me inicialet G.P dhe I.H deri në përfundim të hetimeve”, thuhet në raport.

Lexo edhe: Katër të plagosur në përleshjen e armatosur para një klubi të natës në Prishtinë

Në koordinim me prokurorinë kompetente lënda është duke u hetuar në procedurë të rregullt me dyshimin se është kryer vepra penale “Keqpërdorimi i pozitës apo autoritetit zyrtar” nga neni 414 i Kodit Penal të Republikës së Kosovës.

© KOHA. Të gjitha të drejtat janë të rezervuara.

Komentet

Shto koment

Të ngjashme