Tre persona kanë marrë lëndime trupore dhe janë duke marrë trajtim mjekësor, pas një aksidenti që ka ndodhur të enjten mbrëma në Prishtinë.
Në aksident janë përfshirë 3 makina.
“Rreth orës 20:00 ka ndodh një aksident trafiku në Prishtinë. Në aksident kanë qenë të përfshira tri automjete. Si pasojë e aksidentit 3 persona kanë marrë lëndime trupore. Të njëjtit janë dërguar për tretman mjekësor. Me rastin po merret njësiti i trafikut”, ka thënë për KTV-në, Flora Ahmeti, zëdhënëse në Policinë e Kosovës për rajonin e Prishtinës.
Mësohet se aksidenti ka ndodhur në rrugën “Zagrebi”, afër Ministrisë së Shëndetësisë.
