Në 24 orët e fundit ngriten 56 aktakuza ndaj 75 personave Foto: Koha

Në 24 orët e fundit ngriten 56 aktakuza ndaj 75 personave

21 August 2019 14:58

Prokurori i Shtetit, përmes një komunikate për media bën të ditur se gjatë 24 orëve të fundit nga prokuroritë themelore janë ngritur pesëdhjetegjashtë (56) aktakuza, kundër shtatëdhjetepesë (75) personave.

Gjithashtu, me urdhër të prokurorit të shtetit janë ndaluar tetëmbëdhjetë (18) persona dhe janë paraqitur dymbëdhjetë (12) kërkesa për caktimin e masës së paraburgimit, ndaj pesëmbëdhjetë (15) personave të dyshuar, transmeton Koha.net.

Prokuroria Themelore në Prishtinë, gjatë 24 orëve të fundit, ka ndaluar katër (4) persona të dyshuar, ka bërë tre (3) kërkesa për caktim të masës së paraburgimit, ndaj tre (3) personave të dyshuar dhe ka ngritur dymbëdhjetë (12) aktakuza, kundër pesëmbëdhjetë (15) personave.

Derisa Prokuroria Themelore në Prizren, me urdhër të prokurorit, ka ndaluar për 48 orë, një (1) person, ka paraqitur pranë Gjykatës Themelore në Prizren, tri (3) kërkesa për caktimin e masës së paraburgimit, për tre (3) persona dhe ka ngritur pesë (5) aktakuza, kundër nëntë (9) personave.

Ajo në Pejë, gjatë 24 orëve të fundit ka ndaluar tre (3) persona të dyshuar, ka bërë dy (2) kërkesa për caktimin e masës së paraburgimit, ndaj dy (2) personave dhe ka ngritur gjashtë (6) aktakuza, kundër tetë (8) personave.

Prokuroria Themelore në Gjilan, në pesë raste të ndara, ka ndaluar gjashtë (6) persona të dyshuar, ka paraqitur dy (2) kërkesa për caktimin e masës së paraburgimit, ndaj tre (3) personave dhe ka ngritur shtatë (7) aktakuza, kundër shtatë (7) personave.

Gjithashtu, dyshohet se sot, në Gjilan, një person i moshës 42 vjeçare ka humbur jetën, si pasojë e kontaktit me energjinë elektrike.

Prokuroria Themelore në Gjakovë, me urdhër të prokurorit kujdestar ka ndaluar dy (2) persona të dyshuar në kohëzgjatje prej 48 orësh, ka bërë dy (2) kërkesa për caktimin e masës së paraburgimit, kundër katër (4) personave të dyshuar dhe ka ngritur tetë (8) aktakuza, kundër shtatëmbëdhjetë (17) personave.

Prokuroria Themelore në Mitrovicë, ka ndaluar një (1) person të dyshuar dhe ka ngritur pesëmbëdhjete (15) aktakuza, kundër gjashtëmbëdhjetë (16) personave.

Prokuroria Themelore në Ferizaj, gjatë 24 orëve të fundit, ka ndaluar një (1) person të dyshuar, si dhe ka ngritur tri (3) aktakuza, kundër tre (3) personave.

© KOHA. Të gjitha të drejtat janë të rezervuara.

Komentet

Shto koment

Të ngjashme