Dhunë në familje, në Pejë një burrë rrah nënën e vet e në Gjakovë një tjetër vajzën

Dhunë në familje, në Pejë një burrë rrah nënën e vet e në Gjakovë një tjetër vajzën

14 August 2019 11:55

Dy raste të dhunës në familje janë shënuar në raportin 24 orësh të Policisë së Kosovës.

I pari ka ndodhur në Pejë, kur një burrë ka rrahur nënën e vet. Ai është dërguar në mbajtje me vendim të prokurorit.

Rasti ka ndodhur më 12.08.2019, në orën 23:30.

“Është arrestuar i dyshuari mashkull shqiptar pasi që kishte sulmuar fizikisht me grushte viktimën femër (nënën e tij). Viktima nuk ka pranuar tretman mjekësor ndërsa i dyshuari me vendim të prokurorit dërgohet në mbajtje”, thuhet në raportin 24 orësh të Policisë së Kosovës.

E rasti tjetër është shënuar në Gjakovë, më 13.08.2019, në orën 10:40.

Edhea the është arrestuar i dyshuari mashkull shqiptar pasi që i njëjti pas një mosmarrëveshje ka sulmuar fizikisht vajzën e tij.

Por në këtë rast, Policia bën me dije se i njëjti është intervistuar dhe me vendim të prokurorit është liruar ne procedurë të rregullt.

© KOHA. Të gjitha të drejtat janë të rezervuara.

Komentet

Shto koment

Të ngjashme