Katër raste të dhunës në familje të raportuara për 24 orë

Katër raste të dhunës në familje të raportuara për 24 orë

04 August 2019 10:24

Katër raste janë raportuar në Polici për dhunë në familje gjatë 24 orëve të fundit.

Sipas raportit të Policisë, në Prishtinë është arrestuar një person pasi që i njëjti pas një mosmarrëveshje ka sulmuar fizikisht bashkëshorten e tij. Viktima ka pranuar trajtim mjekësor, ndërsa i dyshuari pas intervistimit me vendim të prokurorit është dërguar në mbajtje.

Ndërkaq në Obiliq është arrestuar një burrë pasi kishte kanosur bashkëshorten e tij. Sipas njoftimit me vendim të prokurorit i dyshuari është dërguar në mbajtje.

Edhe në Istog është arrestuar një person pasi kishte ushtruar dhunë psikike dhe fizike ndaj bashkëshortes së tij. Njoftohet se viktima ka pranuar tretman mjekësore ndërkaq me vendim të prokurorit i dyshuari është dërguar në mbajtje.

Ndërkaq në Gjakovë një grua ka informuar se pas një mosmarrëveshje është kanosur nga djali i axhës. I dyshuari është arrestuar dhe me vendim të prokurorit është dërguar në mbajtje.

© KOHA. Të gjitha të drejtat janë të rezervuara.

Komentet

Shto koment

Të ngjashme