Kronikë

Dy letër-porositë që zbuluan trafikun e drogës në Shqipëri, Kosovë e Evropë

Dy letër-porositë që zbuluan trafikun e drogës në Shqipëri, Kosovë e Evropë
 

Dy letër-porosi të mbërritura nga Italia dhe Kosova kanë konfirmuar për Prokurorinë e Krimeve të Rënda në Shqipëri se grupi i Adylajve, grupi i drejtuar nga Hajri Seferi, grupi i cili kishte ngritur laborator heroine në Has si edhe zgjatime të rrjetit të trafikantëve në Fier dhe Delvinë, ushtronin aktivitetin e trafikut të drogës jo vetëm në Shqipëri por edhe në Kosovë, Itali, Holandë dhe Britaninë e Madhe.

Këto të dhëna, të cilat po përkthehen në Ministrinë e Drejtësisë dhe disa prej të cilave janë paraqitur si prova shtesë pranë Gjykatës së Krimeve të Rënda, janë objekt i një hetimi mjaft sekret, të drejtuar nga dy prokurorët e çështjes, Vladimir Mara dhe Dritan Prençi.