Kronikë

Dyshohen për mashtrim të agjencioneve turistike dhe shumë personave, arrestohen dy persona

Dyshohen për mashtrim të agjencioneve turistike dhe shumë personave, arrestohen dy persona

Policia e Kosovës ka arrestuar dy persona nën dyshimin se të njëjtit kishin mashtruar Agjenci Turistike dhe shumë persona.

Drejtoria për Hetimin e Krimeve Ekonomike dhe Korrupsionit, konkretisht Njësia e Hetimeve Financiare pas hetimeve disa mujore nën dyshimin e bazuar për veprën penale ‘Mashtrim’, me urdhër të Gjykatës Themelore në Prishtinë ka aplikuar masat e fshehta të hetimit me ç’rast ka bërë mbledhjen e mjaftueshme të provave të cilat ndërlidhen me veprën penale të lartcekur.

Sipas njoftimit, lidhur me rastin, me datë 26.04.2019 është zhvilluar plani operativ Avio-Biletat me ç’rast janë kontrolluar katër lokacione, në rajonet Prishtinë, Pejë dhe Gjakovë, në mesin e tyre tri agjencione turistike si dhe një banesë.