Ndalohet për 48 orë arkëtari i KEDS-it që dyshohet se vodhi 5 mijë euro

Ndalohet për 48 orë arkëtari i KEDS-it që dyshohet se vodhi 5 mijë euro

Agim Ademi Agim Ademi 14 March 2019 16:59

Një punëtor (arkëtar) i KEDS-it në Ferizaj, është ndaluar për 48 orë nga organet e drejtësisë nën dyshimin se ka kryer vepër penale “Përvetësim në detyrë”.

Për të intervenuar në raste të tilla, Prokuroria Themelore në Ferizaj është mjaftë aktive dhe e shpejtë. Nga ana tjetër në KEDS kanë thënë se arkëtari i tyre B.B ka vjedhur gjithsej pesë mijë euro dhe ka ikur në drejtim të panjohur.

“Një arkëtar i KEDS-it në Ferizaj i ka vjedhur pesë mijë euro dhe ka ikur në drejtim të panjohur. KESCO e ka raportuar rastin menjëherë në Policinë e Kosovës dhe organet kompetente po merren me rastin. Prandaj në këtë rast nuk është dëmtuar konsumatori apo qytetari por është dëmtuar KESCO”, ka thënë shkurt njëri nga zyrtarët e KEDS-it, raporton Koha Ditore.

Ndërkohë rreth kësaj ngjarje ka njoftuar edhe Prokuroria Themelore në Ferizaj se është ndaluar për 48 orë i dyshuarin B.B person zyrtar, që ndaj tij, prokurori i rastit do të paraqesë kërkesën për caktimin e masës së paraburgimit.

© KOHA. Të gjitha të drejtat janë të rezervuara.

Komentet

Shto koment

Të ngjashme