Kërkohet paraburgim ndaj tre personave për grabitjen e mbi 8 mijë eurove në Deçan

Kërkohet paraburgim ndaj tre personave për grabitjen e mbi 8 mijë eurove në Deçan

06 February 2019 14:55

Prokuroria Themelore në Pejë, Departamenti i Krimeve të Rënda, ka kërkuar nga Gjykata Themelore në Pejë, caktimin e paraburgimit të pandehurve, L.N., N.H., dhe A.G., me dyshimin se të njëjtit duke vepruar si bashkëkryerës kishin për të kryer vepër penale “Grabitje”, nga neni 329, të Kodit Penal të Republikës së Kosovës, bëhet e ditur përmes një komunikate për media.

“Prokuroria Themelore e Pejës, ka marr aktvendim për zgjerimin e hetimeve, ndaj pesë të pandehurve, F.B., B.K., N.H., L.B., dhe A.G., drejtim të veprës penale të lartcekur, për shkak se me datën 22.01.2019, në qytetin e Deçanit, përkatësisht në parkingun e qendrës tregtare “Viva Fresh”, në bashkëkryerje kishin grabitur shumën prej 8,543 (tetëmijepesëqindedyzetetre) mijë euro”, thuhet në komunikatë.

Paraprakisht, me datën 25 janar të këtij vitit, me kërkesë të Prokurorisë Themelore të Pejës, është caktuar masa e paraburgimit ndaj të pandehurve, B.K. dhe F.B., ndërsa tre të pandehurit tjerë, N.H., L.B., dhe A.G., janë arrestuar mbrëmë (5 shkurt) nga Policia e Kosovës në Fushë Kosovë, pas një pune operative hetimore në koordinim me Prokurorinë e Pejës.

Seanca dëgjimore për caktimin e kësaj mase pritet të mbahet para gjyqtarit të procedurës paraprake. ​

© KOHA. Të gjitha të drejtat janë të rezervuara.

Komentet

Shto koment

Të ngjashme