Një aksident i rëndë ka ndodhur në Zvicër, ku të përfshirë ka të vdekur e të lënduar.

Aksident i rëndë mësohet se ka ndodhur në një autostradë në Zyrih, transmeton kp.

Mësohet se një autobus plot me pasagjerë, ku udhëtonin edhe 2 shqiptarë, është përplasur për një muri.

Si pasojë e aksidentit ka vdekur një person dhe janë plagosur 44 të tjerë, mes këtyre të fundit edhe 2 shqiptarët.

Të gjithë janë dërguar në spitalin e Zyrihut, ku tre prej tyre janë në gjendje të rëndë, mes të cilëve janë dy shoferët e autobusit.

Ngjarja ka ndodhur në orët e para të mëngjesit, në 04:15, ku autobusi sapo kishte lënë Zyrihun.

Autobusi i agjencisë ‘Flixbus’, ishte nisur nga Genova dhe kishte si destinacion përfundimtar Duseldorfin.

Autoritetet vendase po hetojnë shkaqet e aksidentit.