Mbrëmë u vra një polic në Podujevë Foto: Ilustrim/Koha

Polici i vrarë në Penuh të Podujevës, ishte shef i Krimeve Ekonomike për regjionin e Prishtinës

19 November 2018 09:04
12:05

Halit Zhdrella, 58-vjeçar, është zyrtari policor që mbrëmë u vra aksidentalisht nga T. Zh , 31 vjeç në fshatin Penuh të Podujevës.

Zhdrella, ishte shef i Krimeve Ekonomike për regjionin e Prishtinës, raporton Koha.net.

Por, me të marrë detyrën e drejtorit të Përgjithshëm të Policisë së Kosovës, Rashit Qalaj, Zhdrella dhe tre zyrtarë tjerë policorë ishin larguar nga detyrat e tyre.

 

09:04

Mbrëmë u vra një polic në Podujevë

Mbrëmë rreth orës 21:00, policia ka marrë informacionin se në fshatin Penuh të Podujevës, është vrarë një zyrtar policor.

“Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes, ku kanë hasur viktimën”, thuhet në raportin e policisë.

Policia njofton se polici me iniciale, H. Zh , 58 vjeç, shtetas kosovar, nuk ka mundur t’i përballojë plagëve të shkaktuara nga arma e zjarrit dhe ka vdekur.

Vdekja e viktimës është konstatuar nga stafi mjekësor në QKUK.

Lidhur me këtë rast nga njësitet policore është arrestuar një person i dyshuar T. Zh , 31 vjeç, shtetas kosovar, i cili me urdhër të prokurorit të shtetit është dërguar në qendrën e mbajtjes për 48 orë, ndërkohë që hetuesit policor janë duke punuar për të ndriçuar dhe sqaruar të gjitha rrethanat që kanë të bëjnë me rastin, i cili është cilësuar si Vrasje nga pakujdesia.

© KOHA. Të gjitha të drejtat janë të rezervuara.

Komentet

Shto koment

Të ngjashme