Kronikë

Një muaj arrest shtëpiak për kërcënuesin e zyrtarit të Prokurorisë Themelore

 

Gjykata Themelore e Prizrenit e ka aprovuar kërkesën e Prokurorisë Themelore të Prizrenit, duke i caktuar masën e arrestit shtëpiak në kohëzgjatje prej një muaj të pandehurit nga Prizreni me iniciale A.P..

“I pandehuri dyshohet për shkelje të Kodit Penal, sepse me datën 06.04.2017, rreth orës 09:45 minuta, në Prizren, në Prokurorinë Themelore Departamenti për Krime të Rënda saktësisht në zyrën e tij, seriozisht e kanos me fjalë me qëllim të frikësimit ose shkaktimit të pasigurisë të dëmtuarin – prokurorin me iniciale M.S. për të biseduar rreth djalit të tij i cili është dënuar nga gjykata, i përfaqësuar nga prokurori i lartë cekur dhe në këto momente. I pandehuri e kanos dhe e ofendon të dëmtuarin duke përdorur fjalë fyese dhe kërcënuese”, thuhet në njoftimin e Gjykatën Themelore të Prizrenit.