1 perditesime
14:58

Arrestohet i dyshuari për vrasjen në tentativë në Deçan

Policia e Kosovës e ka arrestuar të dyshuarin me inicialet E.B., që dyshohet se kreu veprën “vrasje në tentativë” ndaj një personi në Deçan.

Sipas njoftimit, rasti ka ndodhur të dielën në rrugën “Haki Povataj”, ku i dyshuar e ka sulmuar me brisk viktimën dhe më pas ka ikur nga vendi i ngjarjes.

Pas intervistimit, i dyshuari i lindur në vitin 1978 është dërguar në mbajtje për 48 orë.

“Policia menjëherë iu ka përgjigjur vendit te ngjarjes dhe me të arritur në atë lokacion kanë kuptuar se gjatë përleshjes i dyshuari e kishte lënduar viktimën me mjetë të mprehtë ( Brisk) me ç ‘rast i kishte shkaktuar lëndime trupore dhe është larguar nga vendi i ngjarjes. Viktima është dërguar për tretman mjekësorë në Spitalin Rajonal në Pejë”, thuhet në njoftimin e Policisë.

08:50

Konflikt në një lokal në Deçan, lëndohet një person

Një person është lënduar nga një mjet i mprehtë në Deçan të dielën, ka njoftuar Policia e Kosovës.

Sipas njoftimit, viktima është sulmuar nga një i dyshuar në një lokal pas një zënke verbale, e ai më pas është dërguar në Spitalin e Pejës për trajtim mjekësor.

I dyshuari gjendet në arrati, e rasti është iniciuar si “vrasje në tentativë”.

“Raportohet se në një lokal pas një zënke verbale në mes të viktimës mashkull kosovar dhe të dyshuarit mashkull kosovar, kishte ardhur deri te kacafytja në mes të tyre me ç’rast viktima ka pësuar lëndime dyshohet se nga një mjet i mprehtë. Viktima është dërguar në Spitalin e Pejës për trajtim mjekësor, ndërsa i dyshuari ndodhet në kërkim policor. Rasti është duke u hetuar”, thuhet në njoftimin e plotë.