Policia e Kosovës ka njoftuar se një veturë është djegur në orët e para të së martës në Leposaviq.
Rasti është raportuar në Polici nga një grua, e cila ka thënë se në kohën e incidenit ka vërejtur dy persona me kapela.
“Leposaviq - 26.09.2023 – 00:00. Nga ankuesja femër kosovare është raportuar se para shtëpisë së saj i është djegur vetura, pronë e bashkëshort i saj, e njëjta po ashtu deklaron se në kohën e incidentit ka vërejtur dy persona me kapela, të cilët kanë ikur në drejtim të panjohur. Lidhur me rastin në vendngjarje kanë dal njësitë përkatëse për trajtim të rastit. Po ashtu në lidhje me rastin është informuar edhe prokurori kompetent me udhëzim të të cilit është iniciuar rasti i lartcekur. Rasti nën hetime”, thuhet në raportin e Policisë.
