Një grua në Ferizaj, dyshohet se ka ushtruar dhunë fizike ndaj dy fëmijëve të saj të mitur.
Sipas Policisë ajo është arrestuar dhe është dërguar në mbajtje ndërsa fëmijët, që theksohet se kanë pasur shenja të dukshme më dhunës nëpër trup, janë dërguar në një shtëpi të sigurt.
Rasti që ka ndodhur të enjten pasdite, thuhet se po trajtohet si “keqtrajtim apo braktisje e fëmijës”.
“Është arrestuar e dyshuara femër kosovare pasi dyshohet se ka keqtrajtuar dy fëmijët e saj të mitur. Fëmijët kishin shenja dhunë të dukshme dhe kanë raport mjekësor. Me vendim të prokurorit e dyshuara është dërguar në mbajtje ndërsa fëmijët janë dërguar në një shtëpi të sigurt. Rasti në procedurë hetimore”, thuhet në raportin e Policisë.
© KOHA. Të gjitha të drejtat janë të rezervuara.
