Një 17-vjeçari në fshatin Sllapuzhan të Suharekës i është gjetur një pushkë, ka bërë të ditur Policia e Kosovës të martën.
Sipas njoftimit, Policia kishte marrë një informatë në orët e mbrëmjes të së hënës për disa persona të dyshuar në një stallë bagëtish në këtë fshat.
Me të intervenuar, Policia aty ka takuar tre të rinj, ku njëri prej tyre i cili ishte i mitur posedonte pushkën me një karikator dhe pesë fishekë.
“Patrulla e policisë së Stacionit Policor të Suharekës ka intervenuar dhe aty ka takuar tre të rijnë, njëri nga të dyshuarit (i mitur 17-vjeçar) posedonte një pushkë, stalla ishte pronë e babait të tij. Ekipet relevante policore dhe hetuesit e stacionit kanë dal në vend ngjarje dhe janë marr me rastin. Në vend ngjarje është sekuestruar një pushkë përsëritëse, kalibër 7.9 mm, një karikator dhe pesë fishekë të kalibrit 7.9 mm.”, thuhet në njoftim.
Kundër të dyshuarit ka filluar hetimi për veprën penale “Mbajtje në pronësi kontroll, posedim apo shfrytëzim ia pa autorizuar i armës”
© KOHA. Të gjitha të drejtat janë të rezervuara.
