Një person është gjetur pa shenja jete të enjten në Prishtinë, në shtëpinë e tij.
Bajram Krasniqi nga Policia e Kosovës i tha KOHËS se viktima është i lindur në vitin 1949, ndërsa rastin e ka lajmëruar një e afërme e tij rreth orës 17:24.
“Policia së bashku me ankuesen kanë shkuar në rrugën ‘Vushtrria’ Prishtinë, kanë hyrë në shtëpinë e një qytetari (viti i lindjes 1949, mashkull, kosovar), të njëjtin e kanë gjetur të shtrirë në tokë. Është ftuar njësia e emergjencës, të cilët kanë konstatuar se personi është pa shenja jete”, tha Krasniqi.
Rasti është iniciuar si vdekje e dyshimtë.
© KOHA. Të gjitha të drejtat janë të rezervuara.
