Policia e Kosovës ka konfirmuar se Lidhja Demokratike e Kosovës e ka raportuar një rast kërcënimi ndaj kryetarit të saj dhe disa prej deputetëve të këtij subjekti politik.
Zëdhënësi i Policisë, Bajram Krasniqi, ka thënë për KOHËN se janë ndërmarrë të gjitha veprimet e nevojshme policore lidhur me rastin në fjalë.
“Policia e Kosovës, në këtë rast drejtoria kompetente e PK-së, ka ndërmarrë të gjitha veprimet e nevojshme policore lidhur me rastin/kanosjen në fjalë. Të gjitha veprimet e mëtejme policore do të ndërmerren në bashkëpunim dhe koordinim me organet e drejtësisë”, ka thënë ai.
Burime të Kohës kanë bërë të ditur se deputetët e LDK-së që kanë pranuar kërcënim përveç Abdixhikut janë Arben Gashi, Armend Zemaj dhe Avdullah Hoti.
Zyrtarët e LDK-së, Lutfi Haziri dhe Anton Quni i kanë thënë për Kohën se nuk kanë çfarë të shtojnë më shumë se çfarë ka thënë Policia.
© KOHA. Të gjitha të drejtat janë të rezervuara.
