Një person i burgosur është gjetur i vdekur të martën në Qendrën e Paraburgimit në Gjilan.
Shërbimi Korrektues i Kosovës ka njoftuar se viktima me inicialet B.E., është gjetur pa shenja jete në dhomën e tij.
“Me të kuptuar për rastin, i menjëhershëm ka qenë intervenimi i stafit korrektues, atij mjekësor të qendrës dhe emergjencës së qytetit, por përkundër përpjekjeve për reanimim nuk kanë arritur ta kthejnë në jetë”, thuhet në njoftimin e SHKK-së.
Lidhur me rastin janë njoftuar Policia e Kosovës dhe prokurori, ndërsa SHKK-ja ka filluar të bëjë hetimet procedurale dhe administrative.
Autopsia do të verifikojë shkakun e vdekjes.
© KOHA. Të gjitha të drejtat janë të rezervuara.
