Gjashtë persona janë arrestuar të hënën në Lipjan, nën dyshimin se kanë vjedhur gjësende në vlerë prej 150 mijë euro.
Policia e Kosovës ka njoftuar se rasti është raportuar nga një punëtori një ditë më parë në Janjevë.
Rasti është cilësuar “Vjedhje e rëndë”.
“Rasti ka ndodhë në Janjevë, saktësisht në një objekt (punëtori), ku të vjedhura janë raportuar gjësende që arrijnë vlerën rreth 150000 euro: pjesë të makinave për përpunimin e plastikës, mjete të ndryshme të punës, 10 kallëp të metalit për përpunimin e plastikës, 8 nxehëse që shërbejnë për shkrirjen e plastikës, 5 pompa uji, 1 trafo e rrymës/ furnizues për makinën e shkrirjes së plastikës etj, të cilat janë gjetur dhe sekuestruar nga ana e policisë”, thuhet në njoftimin e Policisë.
Sipas policisë, tre nga personat e arrestuar pas përfundimit të procedurave të nevojshme policore, janë dërguar në mbajtje, ndërsa tre të tjerët janë liruar në procedurë të rregullt.
Me vendim të prokurorit, gjësendet e sekuestruara i janë kthyer pronarit legjitim.
-
28 nëntor 2022 21:24
-
Shpërndaje në: