1 perditesime
Kronikë e zezë

Vdiq 80-vjeçari që u godit nga vetura në rrugën Prishtinë-Pejë

Vdiq 80-vjeçari që u godit nga vetura në rrugën Prishtinë-Pejë
Foto: KOHA
14:58

Vdiq 80-vjeçari që u godit nga vetura në rrugën Prishtinë-Pejë

Ka vdekur 80-vjeçari i cili është goditur me veturë mesditën e së shtunës në rrugën Prishtinë-Pejë, konkretisht në fshatin Vragoli të Fushë-Kosovës.

Zëdhënësi i Policisë së Kosovës, Bajram Krasniqi e ka konfirmuar për KOHËN vdekjen e tij.

Viktima po trajtohej në QKUK-së pas aksidentit.

“Në ora 14:15, nga Emergjenca e QKUK-së është pranuar informata se personi i aksidentuar, ka ndërruar jetë. Me urdhër të prokurorit, trupi i pajetë dërgohet në IML për autopsi”, ka thënë Krasniqi.

12:14

Vetura godet një 80-vjeçar në rrugën Prishtinë-Pejë

Një këmbësor 80-vjeçar është goditur nga një veturë të shtunën në mesditë në fshatin Vragoli të Fushë-Kosovës.

Rastin për KOHËN e ka konfirmuar zëdhënësi i Policisë së Kosovës, Bajram Krasniqi, i cili ka thënë se viktima është dërguar për trajtim në QKUK.

“Në ora 11:21, policia është njoftuar për një aksident trafiku të ndodhur në rrugën nacionale Prishtinë-Pejë, fshati Vragoli. Njësia policore që i është përgjigjur rastit njofton se një veturë ka goditur një këmbësor, rreth 80 vjeç. I lënduari është dërguar për tretman mjekësor në QKUK-në”, ka thënë Krasniqi.