Policia e Kosovës ka njoftuar se ka arrestuar një grua në Gjakovë, nën dyshimin se kishte kanosur me jetë punonjësen e Qendrës për Punë Sociale, ndërsa ajo ishte duke kryer detyrën zyrtare.
Rasti ka ndodhur të mërkurën në orët e mëngjesit. E dyshuara është dërguar në mbajtje.
“Gjakovë 28.09.2022 – 09:00. Është arrestuar e dyshuara femër kosovare, pasi që ka kanosur me jetë punëtoren e Qendrës për Punë Sociale viktimën femër kosovare gjatë kryerjes së detyrës zyrtare. Me vendim të prokurorit, e dyshuara është dërguar në mbajtje”, thuhet në njoftimin e Policisë.
