Qytetari në Mitrovicë gjen një çantë me dokumente e para, e dorëzon në Polici
Policia e Kosovës ka bërë të ditur se një qytetar ka gjetur të hënën një çantë në të cilën kishte dokumente dhe një shumë të parave, ndërsa menjëherë e ka dorëzuar në Polici.
Policia ka kontrolluar çantën në praninë e qytetarit S.M., ndërsa në të kishte dokumente të një qytetareje të Mitrovicës dhe një shumë të konsiderueshme të parave.
“Nga ana e policisë është identifikuar dhe është kontaktuar pronarja e çantës e cila është ftuar të paraqitej në Stacionin Policor Jug në Mitrovicë, me ç ‘rast çanta me paratë dhe dokumentet personale i janë kthyer pronares. Drejtoria Rajonale e Policisë në Mitrovicën e Jugut, falënderon qytetarin për besimin ndaj policisë dhe veprimin e ndërgjegjshëm i cili veprim paraqet shembull për raste të tilla”, thuhet në njoftimin e Policisë.
