Një burrë në Rahovec, ka raportuar të shtunën se gruaja e tij e ka sulmuar fizikisht.
Rasti sipas Policisë ka ndodhur gjatë pasdites, për çka viktimës i është ofruar trajtim mjekësor.
Ai më pas është intervistuar në prezencë të Qendrës për Punë Sociale.
Policia ka njoftuar të dielën në raportin 24-orësh se është intervistuar edhe e dyshuara, e cila ka mohuar të ketë ushtuar dhunë ndaj bashkëshortit.
Viktima thuhet se është strehuar te vëllai i tij, ndërsa lidhur me rastin është informuar edhe mbrojtësi i viktimave dhe prokurori.
