Një fëmijë ka vdekur të martën pasi është aksidentuar në oborrin e shtëpisë së tij në lagjen “38” në Fushë-Kosovë.
Zëdhënësi i Policisë për rajonin e Prishtinës, Agron Borovci, i ka thënë KOHËS se rasti ka ndodhur rreth orës 16:00, ndërsa fëmija i lënduar është dërguar në Qendrën Klinike Universitare të Kosovës, nga ku edhe është konstatuar vdekja e tij.
“Viktima dyshohet të jetë aksidentuar në oborrin e shtëpisë në 'Lagja 28' në Fushë Kosovë. Aktualisht policia po trajton rrethanat që karakterizojnë ngjarjen”, ka thënë Borovci.
KOHA ka mësuar se fëmija ishte rreth një vjeç e gjysmë.
