Një shtetas i Kosovës në Austri do të dalë para Gjykatës së Vjenës, për t’u përballur me akuzën se ka tentuar ta vriste bashkëshorten e tij 13 vjet më parë.
Siç raportoi të dielën mediumi austriak “Vienna”, 42-vjeçari që kishte tentuar ta vriste bashkëshorten, akuzohet edhe për dhunë ndaj 10 fëmijëve të tij. Fëmijët dyshohet se pësuan qindra herë goditje nga babai i tyre.
Sipas mediumit, derisa bashkëshortja po pastrohej në banjë, i dyshuari kishte kyçur kabllon elektrike në prizë, duke tentuar ta mbyste.
Viktima nuk pësoi goditje elektrike, pasi sipas Prokurorisë, ndërprerësi i energjisë reagoi duke ndërprerë furnizimin.
I pandehuri është deklaruar i pafajshëm në fazën e hetimeve, derisa gjyqi është paraparë të zgjasë dy ditë.
Në rast të vërtetimit të provave, i pandehuri mund të dënohet nga 20 vjet deri në burgim të përjetshëm.
-
25 korrik 2022 10:42
-
Shpërndaje në: