Një zyrtar policor është suspenduar nga Inspektorati Policor i Kosovës, pasi dyshohet se ka shtënë me armë zjarri të shtunën në fshatin Jezerc të Ferizajt.
Për suspendimin e tij, kryeshefi ekzekutiv i IPK-së, Kushtrim Hodaj, i ka thënë KOHËS se zyrtari policor po hetohet në procedurë të rregullt.
“Një zyrtar policor është i dyshuar për gjuajtje me armë dhe shkaktim të rrezikut të përgjithshëm. I njëjti është suspenduar dhe po hetohet në procedurë të rregullt, sipas autorizimit të Prokurorisë”, ka thënë Hodaj.
Në raportin 24-orësh të Policisë së Kosovës, thuhet se rasti ka ndodhur të shtunën rreth orës 17:15.
Sipas raportit, dy të burra të panjohur kishin shtënë me armë zjarri në drejtim të pyllit dhe më pas janë larguar me vetura.
Rasti është lajmëruar në Polici nga një person, i cili edhe tregoi përpara hetuesve rrjedhjen e ngjarjes.
krobik
© KOHA. Të gjitha të drejtat janë të rezervuara.
